"MYu" posboni koronavirusdan to'liq tuzaldi va mashg'ulotlarga qaytdi

"MYu" darvozaboni Din Henderson koronavirusdan tuzalib, to'liq mashg'ulotlarga qaytdi. Bu haqda klubning rasmiy saytida bayonot berildi. Darvozabon iyul oyi o'rtalarida virus sabab izolatsiyaga olingan edi.

Shuningdek, u jarohati tufayli Evropa chempionatini ham o'tkazib yuborgan. 24 yoshli posbon APLning ikkita uchrashuvida qaydnomaga kiritilmagan.

U maydonga qaytsa ham sentyabr oyidagi xalqaro tanaffusgacha bahslarda foydalanilmaydi. Uning yo'qligi ikkinchi darvozabon sifatida Tom Hitonni olib kelinishiga sabab bo'lgan edi.