«Ar-Rayyan» – «Lokomotiv». Liboslar rangi tanlandi

Dohada OChL guruh bosqichining 2-turi doirasidagi «Ar-Rayyan»-«Lokomotiv» uchrashuvi komissari bilan o'yinoldi miting bo'lib o'tdi.

Muxbirimizning xabar berishicha, mitingda odatdagidek o'yinning tashkiliy masalalari bilan bir qatorda jamoalar libosiga ham aniqlik kiritilgan. Unga ko'ra, mezbon «Ar-Rayyan» qizil, «Lokomotiv» esa oq rangli libosda o'ynaydi.

Eslatib o'tamiz, «Ar-Rayyan»-«Lokomotiv» uchrashuvi 11 mart, dushanba kuni Dohadagi «Jassim bin Hamad» stadionida mahalliy vaqt bilan soat 18:35da (Toshkentda 20:35) start oladi. O'yinni yaponiyalik Hiroyuki Kimura boshchiligidagi hakamlar brigadasi boshqarib boradi.