Evropa ligasi o'tgan mavsumining eng yaxshi futbolchisi nomi e'lon qilindi

"Vilyarreal" hujumchisi Jerar Moreno Evropa ligasi o'tgan mavsumi yakunlariga ko'ra eng yaxshi futbolchi deb topildi.

Ispaniyalik futbolchi mazkur sovrin uchun kurashda "Manchester Yunayted" vakillari — Edinson Kavani va Brunu Fernandeshni ortda qoldirdi.

Moreno Evropa ligasining o'tgan mavsumida 12ta o'yinda ishtirok etib, 7 gol va 3 assist muallifiga aylandi. "Vilyarreal" esa finalda "MYu"ni penaltilar seriyasi orqali mag'lub etib, bosh sovrinni qo'lga kiritdi.