"MYu" 19 yoshli ingliz iste'dodini qo'ldan boy berdi

"Manchester Yunayted" Niderlandiya chempionati vakili "PSV"dan Madueke xaridini amalga oshira olmaydi. "Mirror" nashrining xabariga ko'ra, qizil iblislar o'z imkoniyatlarini boy berishdi.

Chunki 24 marta Erdiviziya g'oliblari 19 yoshli futbolchini yana 4 yil o'z tarkiblarida olib qoladigan bo'lishdi. U ajoyib o'yini bilan ko'plab top klublar nazariga tushgan edi.

Noni Madueke yangi mavsumda liga bahslarida ikkita gol urishga muvaffaq bo'lgan. Avvalroq futbolchining sobiq klubi "Tottenxem" uni yana Londonga qaytarmoqchiligi haqida xabar qilingan edi.