De Bryuyne Belgiya termasiga chaqirilmadi

Belgiya terma jamoasi murabbiylar shtabi 26-avgust, payshanba kuni sentyabr oyidagi o'yinlar uchun tarkibni e'lon qildi. Ro'yxatga 31 nafar futbolchi kiritilgan. "Manchester Siti" yarim himoyachisi Kevin de Bryuyne terma jamoaga chaqirilmagan. Futbolchi jarohatidan tiklanishda davom etmoqda va hali to'liq tayyor emas.

Ma'lumot uchun, 2022-yilgi jahon chempionati saralash turnirida Belgiya terma jamoasi Estoniya (2-sentyabr), Chexiya (5-sentyabr) va Belarus (8-sentyabr) bilan o'ynaydi.