«Tottenxem» futbolchisi haftasiga 400 ming funt olishni istaydi

Harri Keyn hamda «Tottenxem» rahbariyati o'rtasida futbolchi maoshi masalasida muzokaralar o'tkazilmoqda. «The Times» nashri xabariga ko'ra, Angliya terma jamoasi a'zosi Londonda qolishga qaror qilganidan keyin maoshini ko'tarishni so'ragan.

Unga ko'ra, Keyn haftalik 400 ming funt haq bilan ta'minlanishi lozim. Bu qiymat Angliyadagi eng balandiga aylanishi mumkin. Hozirda APLda eng ko'p maosh «Man Siti» futbolchisi Kevin De Bryunega , haftasiga 385 ming funt to'lanadi. Hozirda Keyn haftalik 300 ming funt maoshga ega.