Ronaldu «Yuventus» bazasidan o'z buyumlarini olib chiqib ketdi

"Yuventus" hujumchisi Krishtianu Ronaldu mazkur yozgi transfer paytida boshqa jamoaga o'tishga jiddiy bel bog'lagan.

Jurnalist Fabritsio Romano xabar tarqatishicha, 36 yoshli futbolchi o'z niyatini turinliklar rahbariyatiga ma'lum qildi va o'zini transferga qo'yishlarini so'radi.

Janluki Di Martsio tarqatgan xabarga ko'ra esa Ronaldu "keksa sinora" bazasidan o'z buyumlarini olib chiqib ketgan.

Eslatib o'tamiz, "Manchester Siti" klubi Krishtianuga yagona da'vogar bo'lib turibdi.

Manba: soccernews.ru