"Yuventus" Moyze Kinni ortga qaytarmoqchi

"Everton" hujumchisi Moyze Kin yozgi transferlar oynasi vaqtida "Yuventus"ga qaytishi mumkin.

Jurnalist Nikolo Skiraning so'zlariga ko'ra, "byankonerilar" rahbariyati italiyalik 21 yoshli hujumchini qaytarishni istamoqda va allaqachon uning agenti Mino Rayola bilan birinchi muzokaralarni o'tkazgan.

Ta'kidlanishicha, Kinni qaytarish uchun "Yuventus" 35 million evroni ajratishi kerak.

Eslatib o'tamiz, Moyze o'tgan mavsumni "PSJ"da ijara asosida o'tkazdi, u uchun Liga 1 musobaqasida 26 ta o'yin o'tkazib, 13 ta gol urishga erishdi.