Verner Madrid klubiga o'tishdan bosh tortdi

Londonning "Chelsi" klubi futbolchisi Timo Verner "Atletiko Madrid"ga o'tish taklifini rad etdi. London klubi nemis futbolchisini Saul Niges kelishuviga qo'shmoqchi edi.

Endi, aftidan, "aristokratlar" ispaniyalik yarim himoyachining transferi uchun bitimda ko'rsatilgan summani to'lashi kerak bo'ladi, deb yozadi Britaniyaning Daily Express nashri. Ma'lum bo'lishicha, jamoada eng ko'p maosh oladigan Verner boshlang'ich tarkibdan joy olish uchun raqobatchilar bilan bellashmoqchi.

E'tibor bering, Timo avvalroq "Inter"ga ketishdan bosh tortgan edi.
Eslatib o'tamiz, hujumchi o'tgan mavsumda "Chelsi" safida APLda 35 o'yinda maydonga tushib, oltita gol urdi.