Mbappening otasi o'g'liga "PSJ"da qolishni maslahat bergan

"PSJ" hujumchisi Kilian Mbappening otasi Vilfrid Mbappe Parij klubi bilan shartnomani uzaytirish tarafdori edi.

El Confidencial nashri xabariga ko'ra, ota o'z o'g'liga "PSJ" taklifini qabul qilishni va mavsum uchun 36 million evro maosh bilan uch yillik shartnoma tuzishni maslahat bergan.

Biroq, futbolchining advokati Delfin Verxeyden Mbappega "Real"ga o'tishni maslahat beradi.
U frantsuzga futbol tarixini yozish va o'z merosini qoldirish istagini eslatdi. Uning so'zlariga ko'ra, Kilian "Real"da reklama shartnomalari orqali ko'proq daromad oladi.

Avvalroq, "PSJ" "Real"ning 160 millionlik taklifini rad etgan edi. Madridliklar hali hech qanday yangi shartnoma taklif qilmagan.
Mbappe kelasi yoz erkin agentga aylanishi mumkin.
Yangi mavsumda frantsuz 3 o'yinda 1 gol urdi va 2 golga uzatma berdi.