"Latsio" xorvatiyalik futbolchi bilan shartnoma imzoladi

Yarim himoyachi Toma Basich Rimning "Latsio" klubi futbolchisiga aylandi. Bu haqda "burgutlar" matbuot xizmati xabar berdi. Yaqin vaqtgacha Toma Frantsiyaning "Bordo" klubida to'p surgan. "Latsio" yarim himoyachi uchun etti million evro to'laydi. Shuningdek, frantsuz klubi bonus sifatida yana bir million oladi.

Ma'lumot uchun, xorvatiyalik futbolchi Frantsiya chempionatining so'nggi mavsumida "Bordo" safida 34 ta o'yinda maydonga tushib, 4 ta gol va 1 ta golli uzatmani amalga oshirdi.