"Chelsi" himoyachisining transferi muvaffaqiyatsiz yakunlandi

"Chelsi" himoyachisi Kurt Zuma "Vest Xem"ga o'tmaydi. Bu transfer buzildi, deb xabar beradi TF1 nashri. Avvalroq, xorijiy nashrlar Zuma "taqachilar" bilan kelishuvga erishgani, klub vakillari ham o'zaro kelishib olgani haqida yozishgan edi. Kurt faqat tibbiy ko'rikdan o'tishi kerak edi. Ammo, ma'lum bo'lishicha, bu bitim amalga oshmaydigan bo'ldi.

Premer-liganing so'nggi mavsumida Kurt "ko'klar" safida 24 ta o'yin o'tkazib va 5 ta golga mualliflik qildi.