"Tottenxem" ga yangi futbolchisi uchun qancha to'lamoqchiligi ma'lum

"Metts" yarim himoyachisi Pap Metar Sarr yaqin kunlarda "Tottenxem" futbolchisiga aylanishi mumkin. Mercato nashri xabariga ko'ra, 18 yoshli senegallik shu haftada Londonda tibbiy ko'rikdan muvaffaqiyatli o'tdi.

Transfer summasi barcha bonuslarni hisobga olgan holda taxminan 25 million evroni tashkil qilishi mumkin. Shunga qaramay, Sarr 2021/22 yilgi mavsumni ijara asosida Frantsiya klubida o'tkazadi.

Sarr "Metts"ga o'tgan yili Senegalning "Jenereyshn Fut" klubi akademiyasidan qo'shilgan. 2020/21 yilgi mavsumda u asosiy tarkibda 25 o'yin o'tkazdi va 4 gol urishga erishdi.