Baxtiyor Ashurmatov: «Bugungi o'yin 17:00ga qo'yilganidan ko'ra, muxlislarimiz o'yinni jonli ko'ra olishmaganidan afsusdaman»
/ Kiritdi: BestMaster Ko'rilgan: 58
Coca-Cola Superligasi 16-tur doirasidagi "Qo'qon-1912" – "Surxon" uchrashuvidan keyingi matbuot anjumanining ikkinchi qismida jamoamiz ustozi Baxtiyor Ashurmatov qatnashdi.
"Avvalambor, O'zbekiston xalqini, futbol muxlislarini, barcha vatandoshlarimizni mustaqiligimizning 30 yilligi bilan tabriklayman. Yurtimiz tinch, farovon bo'lishini, muxlislarning sevimli jamaoalari doimo g'alaba qozonishini tilayman. Baxtimizga ishqibozlarimizni sog'-salomat bo'lishsin.
Bugungi o'yin haqida gapiradigan bo'lsam, ikkinchi davrada “Surxon” jangovar o'yin namoyish etayotgandi, Bahrom Haydarov raqobatbardosh jamoa shakllantirayotgandi, termizliklarning so'nggi uchta o'yinda g'alaba qozongani bizni xavotirga solayotgan edi. Buning ustiga o'z maydonimizda yuta olmayotganimiz uchun bizda bosim bor edi. Qo'qon azaldan o'z maydonida jangovor o'yin namoyish etib keladi. Afsuski, bu yil biroz noxush an'anaga duch keldik. Bugungi g'alaba ham osonlikcha kelgani yo'q. Murod Xolmuhamedovda jarohat bor edi. Bugun ham jarohat olib maydonni tark etishga majbur bo'ldi. Lukich ham bugun jarohat oldi. “Surxon” ham oxirigacha kurashdi. Yigitlarga bugungi jangovor o'yinlari uchun, o'z sog'liklarini tavakkal qilib maydonda borlarini berganliklari uchun, eng asosiysi bugungi g'alaba uchun murabbiylar shtabi va klub rahbarlari nomidan minnatdorchilik bildiraman. Barchani bu yilgi o'z maydonimizdagi birinchi g'alaba bilan tabriklayman.
Bugun ko'plab vaziyatlarga ega bo'ldik. 2:0 hisobida oldinda borayotgan bo'lsak ham Suhrob Berdiev, Mo'min Meliev va Asadbek Sobirjonovda yaxshi vaziyatlar bo'ldi. Biz ham xohlaymiz jamoamiz ko'proq gol urishni. Lekin har bir uchrashuvda ikkitadan bo'lsa ham gol urib turishsa xursand bo'lamiz. Eng asosiysi, vaziyatlarning borligi.
Gapni ochig'i, chempionatdagi 15 kunlik tanaffus barcha jamoa uchun bir xil bo'ladi. FIFA kunlari bo'lishini oldindan hamma bilardi. Bu tayyorgarlik ko'rishimizga ta'sir o'tkazmaydi. Bayram munosabati bilan futbolchilarga to'rt kunlik ta'til beriladi. Keyin Toshkent shahrida “Bunyodkor”ga qarshi o'yinga tayyorgarlik ko'ramiz. Oraliqda bitta o'rtoqlik uchrashuvini o'tkazish rejalashtirilgan.
Bu yil jarohatlar girdobida qolib ketyapmiz. Etakchilarimiz kutilmaganda safdan chiqishmoqda. Kecha o'rinbosarlarga o'yinchi bera olmadik. Yoshlarimiz ham yomon to'p surishayotgani yo'q. Aziz To'xtaboev U18 jamoamizdan futbolchilar oldi va bu to'g'ri yo'l deb bilaman. Yoshlar tarkibida maydonga tushayotgan asosiy tarkibdagi futbolchilarimizdan e'tirozim yo'q. Ular jamoaga yordam berishmoqda.
Gapni ochig'i, bugungi o'yin 17:00ga qo'yilganidan ko'ra, muxlislarimiz o'yinni jonli ko'ra olishmaganidan afsusdaman. Umid qilamanki, keyingi bahslarda vaziyat o'zgaradi va muxlislar yana stadionga kelishni boshlashadi. Nima bo'lgan taqdirda ham sabab izlamaslik kerak. Bugun hamma jamoa bir xil sharoitda edi. Natijani ob-havo bilan bog'lamaslik lozim. “Surxon”ga keyingi bahslarda omad tilab qolaman", — dedi Ashurmatov.
Bosh sahifaga
690