Qashqadaryo hokimi "Nasaf"ga 100 million so'm mukofot beradi

Xabar berganimizdek, viloyatimizning "Nasaf" jamoasi bugun "Ahal" jamoasi ustidan g'alaba qozonib, qoida bo'yicha 100 ming AQSh dollariga ega chiqdi.

O'yin yakunida viloyat hokimi Zoyir Mirzaev ham jamoaga 100 mln. so'm ajratadigan bo'ldi.

- Bu g'alabalar ortida yurt sha'ni va nufuzi turibdi, - dedi tabrik so'zida Zoyir Mirzaev. - Rag'bat va tilak esa, futbolchilarni yanada harakatchan bo'lishga, g'alaba sari olg'a borishga undaydi.

Eslatib o'tamiz, "Nasaf" bugun Turkmanistonning "Ahal" jamoasini 3:2 hisobida mag'lub etib, keyingi bosqichga yo'l oldi.