Alisher Nikimbaev: "Tushunmayman, nega o'yinlarni namoz vaqtida o'tkazishadi?"

Mashhur futbol mutaxassisi Alisher Nikimbaev O'zbekiston professional futbol ligasining Superliga o'yinlari doirasida bo'lib o'tgan “Dinamo” hamda “Nasaf” jamoalarining bahsida darvozabon Botirali Ergashevning asr namozini o'qigach maydonga tushganligi yuzasidan fikr bildirdi.

”“Dinamo” darvozaboni Botir Ergashev namozni tugatmaguncha maydonga chiqmaganligidagi g'ayratini tushunaman. Lekin PFL (Professional Football League) nima uchun ibodat vaqtida o'yinlarni tashkil qilishini tushunmayman. Arab mamlakatlarida o'yinlar quyosh botishidan so'ng ya'ni shom namozi vaqtidan so'ng boshlanadi yoki shom vaqti tanaffusga to'g'ri kelishini mo'ljallashadi. Bu erda o'yinlar asr namozi vaqtiga to'g'ri kelganligi haqida hatto eshitmaganlar”, deydi u.