Verner «Inter»ga o'tishi mumkinmi?

Jurnalist Kristian Falk o'z tvitterida Timo Vernerning «Inter»ga o'tishi masalasi yopilgani haqida yozdi.

«Chelsi» ushbu kelishuv borasida muzokara o'tkazishga tayyor edi, lekin nemisning o'zi bu transferga mutlaqo qarshiligini bildirgan.

Verner Romelu Lukaku kelganiga qaramay, klubda qolishga tayyor. U raqobat ostida o'ynashga rozi.

Futbolchi asosiy tarkibdan joy olish uchun belgiyalik bilan raqobatlashmoqchi. Shuningdek, nemis futbolchisi qanotda ham o'ynashi mumkin.

Ma'lumot uchun, Vernerning «Chelsi» bilan shartnomasi 2025 yilgacha mo'ljallangan.