Turin klubi himoyachisi faoliyatini Premer-ligada davom ettiradi

«Torino» himoyachisi Lyanko Voynovich kelgusi faoliyatini «Sautgempton»da davom ettiradi. Bu haqda jurnalist Nikolo Skira xabar bermoqda.

Klublar Voynovichning transfer shartlarini kelishib olishgan. «Sautgempton» «buqalar» o'yinchisi uchun 7,5 million evro to'laydi. Yana 2,5 million evroni «Torino» har xil bonuslar ko'rinishida olishi belgilandi.

Lyanko 2026 yilning yozigacha hisoblanadigan shartnomaga imzo chekadi. Kelishuv 23 avgustda rasmiylashtirilishi kutilmoqda.