"Tottenxem" yosh hujumchi bilan bitim tuzishga yaqin turibdi

"Tottenxem" klubi Frantsiya chempionati vakili "Mets" futbolchisi Pape Matar Sarr transferini amalga oshirishga yaqin turibdi. "90Min" nashri bergan xabarga asosan, London klubi 18 yoshli futbolchi bilan og'zaki kelishuvga erishgan.

Senegallik hujumchi "shporlar" safiga atigi 15 million evro yoki 12,8 million funt evaziga o'tishi mumkin. Sarr o'tgan yili ilk marta Fransiya 1 divizionida debyut qilganidan buyon 25 ta uchrashuvda maydonga tushib, jamoasini mavsumni turnir jadvali markazida yakunlashiga katta yordam bergan.

Futbolchi uchun "Chelsi" hamda "Man Siti" ham qiziqish bildirayotgan edi.