Manba: "Manchester Siti" Vlahovich bilan kelishuvga erishgan

"Manchester Siti" "Tottenxem" hujumchisi Xarri Keynning o'rniga "Fiorentina" futbolchisi Dushan Vlahovichni sotib olishga qaror qildi.

Gazzetta dello Sport nashri xabariga ko'ra, "shaharliklar" 21 yoshli serbiyalik hujumchining transferi uchun "binafsharanglilar"ga 80 million evro to'lashga tayyor. Qolaversa, "Siti" Dushan bilan uzoq muddatli shartnoma shartlarini kelishib olishgan.

Bundan tashqari, Manchester klubi rahbariyati futbolchining agenti Darko Ristichga 7 million evrolik zarur komissiyani to'lashga rozi bo'ldi.

Eslatib o'tamiz, o'tgan mavsumda Vlahovich barcha turnirlarda 40 ta o'yinda 21 ta gol urdi. Shuningdek, futbolchining xizmatlariga "Atletiko" va "Tottenxem" ham qiziqish bildirmoqda.