Reshfordning qachon safga qaytishi ma'lum

«Manchester Yunayted»ning angliyalik hujumchisi Markus Reshford elkasidan olgan jarohatidan kutilganidan ancha tezroq tuzalib, maydonga qaytishi mumkin.

Bu haqda The Sun nashri xabar beradi.

Manbaga ko'ra, elkadagi operatsiyadan so'ng, Reshford juda tez tiklanmoqda. Uni shu oy oxirigacha maydonda ko'rish mumkin.

Eslatib o'tamiz, elkasidan olgan jarohat o'tgan mavsumdan beri Markusni tashvishga solib kelgandi.

Futbolchi Evropa chempionati tufayli operatsiyani iyul oyining oxiriga qoldirgandi. 

Angliya Premer-ligasining ikkinchi turida «Manchester Yunayted» 22 avgust kuni «Sautgempton» bilan kuch sinashadi.