UEFA mavsum-2020/21ning eng yaxshi o'yinchisi sovriniga da'vogarlarni e'lon qildi

UEFA matbuot xizmati Evropaning mavsum-2020/2021dagi eng yaxshi o'yinchisiga da'vogar 3 nafar futbolchi nomini e'lon qildi.

Ro'yxatdan "Manchester Siti" yarim himoyachisi Kevin De Breyne, "Chelsi" futbolchilari N’Golo Kante va Jorjino o'rin olishdi.

De Breyne o'tgan mavsumda «Manchester Siti» bilan APLda g'alaba qozonib, Evropa chempionlar ligasi finaliga chiqdi.

Jorjino Italiya bilan Evro-2020, "Chelsi" bilan esa EChLda g'olib chiqdi. Kante esa o'z klubi bilan Chempionlar ligasi sovriniga ega chiqdi.

Ushbu ro'yxat maxsus komissiya a'zolari o'rtasida o'tkazilgan so'rovnoma orqali aniqlandi. Komissiya tarkibidan Evro-2020da ishtirok etgan 24ta terma jamoa bosh murabbiylari, mavsum-2020/2021da EChL va Evropa ligasida qatnashgan klublar murabbiylari, shuningdek, UEFAga a'zo mamlakatlardan 55 nafar jurnalist o'rin olishdi.

Sovrin egasi nomi 26 avgust kuni Istanbulda o'tkaziladigan marosimda e'lon qilinadi.