"Tottenxem" qiziqish bildirgan futbolchi jamoasida qoladigan bo'ldi

"Fiorentina" markaziy himoyachisi Nikola Milenkovich yozda klub ro'yxatini o'zgartirmaydi. Bu haqda jurnalist Fabritsio Romano xabar berdi.

Manbaning yozishicha, Milenkovich Premer-liga jamoalari uning shaxsiga qiziqish bildirganiga qaramay, "binafsharanglar" safida o'ynashni davom ettirishga qaror qilgan. Nikolani APLdan "Tottenxem" va "Vest Xem" kabi klublar da'vo qilmoqda.

Shuningdek, Milenkovich "Fiorentina" bilan shartnomani 2 mavsumga uzaytirishga rozi bo'lgani ma'lum. Uning Violetlar bilan amaldagi mehnat shartnomasi 2022 yilning o'rtalarida tugaydi.