Gyundogan terma jamoada qoladi

"Manchester Siti" yarim himoyachisi Ilkay Gyundogan Germaniya terma jamoasida o'ynashni davom ettirishga qaror qildi, deya xabar beradi Bild nashri. Germaniya terma jamoasi faqat 1/8 finalgacha etib kelgan Evro-2020dan keyin 30 yoshli yarim himoyachi xalqaro karerasini tugatish imkoniyatini jiddiy o'ylab ko'rdi.

Futbolchi bilan Germaniya terma jamoasining yangi bosh murabbiyi Xans-Diter Flik bog'lanishdi
va Ilkayni faoliyatini Bundestimda davom ettirishiga ishontirishdi, shu bilan u Gundoganga umid
bog'laganini aniq ko'rsatdi. Ma'lumot uchun, Gyundogan Germaniya terma jamoasi safida 49 ta
o'yinda maydonga tushib, 11 ta gol va 6 ta golli uzatmani amalga oshirgan.