«Fiorentina» Vlahovichni qo'yib yuborishga tayyor

Xabaringiz bor, transfer bozorida «Fiorentina»ning serbiyalik hujumchisi Dushan Vlahovichga talab katta.

21 yoshli futbolchiga «Atletiko», «Manchester Siti» va «Tottenxem» qiziqish bildirmoqda. «Binafshalar» prezidenti Rokko Komisso futbolchining ketishi mumkinligi haqida gapirdi.

«Men Dushanni keyingi mavsumda saqlab qolishni istardim, lekin agar bizga 100 million evro taklif tushsa, men bu haqda o'ylab ko'raman», deydi jamoa rahbari.

Vlahovich o'tgan mavsum Florentsiya jamoasining etakchi futbolchilaridan biri bo'ldi. Dushan A Seriyaning 37 ta o'yinida ishtirok etib, 21 ta gol va uchta golli uzatmani amalga oshirdi.