O'zbek futbolidagi kamchiliklarni ayta olgan Sanjar Quvvatov Worldnews’ning ilk mehmoni! (video)
/ Kiritdi: BestMaster Ko'rilgan: 4675
O'zbekiston milliy terma jamoasi va Toshkentning “Paxtakor” klubi darvozaboni Sanjar Quvvatov Worldnews.uz axborot agentligining birinchi mehmoni bo'ldi.
Qashqadaryolik darvozabon so'nggi bor bundan 3 yil oldin OAVga intervyu bergan. Shu 3 yillik tanaffus vaqtida Sanjar Quvvatovda omadli va omadsiz o'tgan kunlari bo'ldi.
Quvvatov O'zbekiston terma jamoasi bilan BAAda bo'lib o'tgan Osiyo kubogi musobaqasidan qaytib, “Nasaf” klubini tark etdi va yangi mavsumni “Paxtakor”da boshladi.
Worldnews.uz muxbiri Jahongir Sotvoldiev O'zbekistonda eng mashhur darvozabonlardan biri Sanjar Quvvatovni tahririyat studiyasiga chorladi. Sanjar Quvvatov intervyu davomida darvozabon Ignatiy Nesterov bilan raqobat, ko'p yillik murabbiyi Ro'ziqul Berdiev, terma bilan jahon chempionatiga borish orzusi, o'zbek futbolidagi kamchiliklar, “Nasaf”dan ketish qanchalik qiyin, “Paxtakor”ga kelishi qanday oson bo'lgani, shuningdek, tanqidchi muxlislar masalasida o'z fikrlarini bayon etdi.
Worldnews.uz axborot agentligi bugun, 10 mart kuni Sanjar Quvvatov bilan uyushtirilgan videointervyuni Youtube’dagi rasmiy kanali va sahifasida taqdim etadi.
Demak, tez orada – Worldnews.uz’da Sanjar Quvvatov bilan katta va qiziq intervyuni tomosha qiling!
Bosh sahifaga
184