Salahning kelajagi noma'lumligicha qolmoqda

"Liverpul"ning misrlik futbolchisi Muhammad Salahning kelajagi noaniqlikcha qolmoqda. Ba'zi nashrlarning yozishicha, futbolchi boshqa klublardan taklif kutmoqda. Bunga sabab sifatida, Salahning agenti Rami Abbos "Liverpul"ning "Norvich"ga qarshi o'yinidan keyin (3:0) bildirgan fikri ko'rsatilmoqda.

"Umid qilamanki, ular Salahning o'yinini tomosha qilishadi",-deb yozadi agent.

Matbuot buni Salah bilan shartnoma borasida muzokaralar olib borilmagani belgisi sifatida baholadi. Misrlik turli takliflarni ko'rib chiqishga tayyor. Salahning o'zi esa eng ustuvor vazifasi klubda qolish ekanligini ta'kidlagan.