Vidalga boshqa «Inter»dan taklif tushdi

Angliyalik afsonaviy futbolchi Devid Bekxemga tegishli bo'lgan «Inter Mayami» klubi Arturo Vidalning transferini amalga oshirishga harakat qiladi.

Tuttomercatoweb xabariga ko'ra, chililik rasmiy taklif olishga ulgurgan, lekin darhol rad javobini bergan.

Futbolchi MLSga o'tishni istamayapti va «neradzurrilar» libosida o'ynashni davom ettirmoqchi.

Xabaringiz bor, o'tgan mavsum oxirida Arturo «Inter» bilan birgalikda A Seriya chempioni bo'lgan edi.

34 yoshli chililikning klub bilan amaldagi shartnomasi 2022 yilning o'rtalariga qadar mo'ljallangan.