Yosh Inesta debyut mashg'ulotidayoq barchasini isbotlagandi...

Andres Inesta «Barselona» safida debyutini 2002 yilda, jamoani Lui van Gal boshqargan paytda qilgan.

O'shanda murabbiy yordamchisi bo'lgan Andris Yonker Inestaning Kataloniya klubidagi yo'lining boshlanishini esladi.

«Men Inestani mavsum oldidan birinchi marta ko'rganimni yaxshi eslayman. U juda kichkina, ingichka va oqargannamo uzun sochli yigit edi. U echinish xonasiga qandaydir to'rvanamo forma bilan keldi.

Birinchidan, men undan bu erda nima qilayotganini so'radim. Keyin hamma yulduzlar o'rnidan turib, uni olqishlay boshladilar.

Men nima bo'layotganini so'radim va u menga yoshlar o'rtasida Evroni yutganini va turnirning eng yaxshi o'yinchisi deb topilganini, shuning uchun u bu erda bemalol mashg'ulot o'tkazishini aytdi.

Men yana Inestaga qaradim va uni unchalik mehnatkash yigit deb o'ylamadim. Men buni van Galga ham aytgandim. U ham shubha bilan qaradi, lekin unga imkoniyat berishni xohladi, chunki hamma Andresni buyuk iste'dod egasi deb bilardi.

Besh daqiqalik mashg'ulotlardan so'ng, Lui bilan men bir-birimizga qarab: «U buni uddasidan chiqadi deb shivirladik», - deydi Yonker.