"Manchester Yunayted" futbolchisi jamoani tark etmoqchi

"Manchester Yunayted" yarim himoyachisi Andreas Pereyra jamoani tark etishga yaqin turibdi, deb xabar beradi ESPN nashri. Futbolchi mankunianliklar rahbariyati bilan uchrashib, o'zining kelajagini muhokama qilmoqchi.

Ma'lum bo'lishicha, unga "Flamengo" qiziqish bildirmoqda, biroq Braziliya klubi futbolchini ijaraga olmoqchi, bu esa "Manchester Yunayted"ga to'g'ri kelmaydi. Futbolchining o'zi ham doimiy ravishda boshqa klubga o'tmoqchi.

Eslatib o'tamiz, Pereyra "Manchester Yunayted"ning asosiy tarkibida 2015 yilda debyut qilgan edi. U "Valensiya" va "Latsio"da ijarada o'ynagan. Uning mankunianliklar bilan shartnomasi 2023 yilning o'rtalariga qadar amal qiladi.