Modrich terma jamoadagi faoliyatini yakunlash niyatida

«Real» yarimhimoyachisi Luka Modrich 2022 yilgi jahon chempionati tugagandan so'ng Xorvatiya terma jamoasini tark etmoqchi.

O'shanda Luka 37 yoshda bo'ladi. Jahon chempionati kelasi yilning noyabridan dekabrigacha Qatarda bo'lib o'tadi.

Ma'lumot uchun, Modrich 2006 yildan buyon Xorvatiya terma jamoasida o'ynaydi. Yarimhimoyachi 142 uchrashuvda qatnashdi va 18 ta gol urdi.

Rossiyada bo'lib o'tgan JCh-2018da Luka «shashka»lar bilan birga finalga chiqqan edi. O'shanda Jahon chempionatining hal qiluvchi o'yinida Xorvatiya Frantsiyaga 2:4 hisobida mag'lub bo'lgan.