APL klubi futbolchisi bilan shartnomani uzaytiradi

«Lester» yarimhimoyachisi Xarvi Barns klubi bilan amaldagi shartnomasini uzaytiradi, deb xabar beradi The Athletic.

Ma'lum qilinishicha, tomonlar muzokaralarning so'nggi bosqichida. Angliyalikning amaldagi shartnomasi 2024 yilda tugaydi, ammo «tulkilar» unga yana to'rt yilga mo'ljallangan shartnoma taklif qilishga tayyor.

Barns - «Lester» tarbiyalanuvchisi. U o'tgan mavsum APLda 25 o'yin o'tkazdi va 9 gol urib, 4 ta golga uzatma berdi.