Superkompyuter Bundesliganing yangi mavsumida qaysi jamoa g'olib chiqishini taxmin qildi

Germaniya chempionatining yangi mavsumiga ushbu haftada start berildi. FiveThirtyEight algoritmi asosida ishlaydigan superkompyuter joriy mavsumda jamoalarning g'oliblikka imkoniyatlarini taxmin qildi.

Unga ko'ra, g'oliblik uchun eng yuqori imkoniyat "Bavariya"da — 56%. Myunxenliklar 34ta uchrashuvda 75 ochko jamg'arish kutilmoqda.

"Borussiya Dortmund"ning chempionlik uchun imkoniyati esa 20 foizga baholangan bo'lsa (66 ochko), "Leyptsig"ning sovrinni qo'lga kiritish ehtimoli atigi 11 foizga teng (61 ochko).