"Man Siti" Keynni rekord summada sotib olishi mumkin

"Manchester Siti" Londonning "Tottenxem" klubi hujumchisi Harri Keynni sotib olish fikridan voz kechmaydi.

ESPN nashri xabariga ko'ra, "shaharliklar" 28 yoshli inglizning transferi uchun 140 million evro to'lashga tayyor.

Agar bu kelishuv amalga oshsa, bu Premer-liga tarixida rekord transfer bo'ladi.

Keyn o'tgan mavsumda 49 o'yinda 33 gol va 17 golli uzatma muallifi bo'lgan. Uning "Tottenxem" bilan shartnomasi 2024 yilgacha tuzilgan.