"Sevilya" "Borussiya" futbolchisi uchun 5 million evro to'laydi

Dortmundning "Borussiya" klubi yarim himoyachisi Tomas Delani faoliyatini Ispaniyada davom ettiradi, deya xabar beradi Nikolo Skira. Manbaga ko'ra, "Sevilya" 29 yoshli yarim himoyachining transferi bo'yicha muzokaralarning so'nggi bosqichida.

Ispan klubi futbolchi uchun 5 million evro to'laydi va shartnoma 2024-yilgacha amal qiladi.
O'tgan mavsumda Delani "Borussiya" tarkibida 34 ta o'yin o'tkazib, 1 ta gol va 5 tagolli uzatma
muallifi bo'lgan. Dortmundliklar bilan tuzilgan shartnoma 2022-yilning iyunigacha amal qiladi.