Bobur Davlatov: "Boshlang'ich tarkibda maydonga tushishim kafolatlanmagan"

Superliganing 1-turi doirasidagi "Dinamo" - "Nasaf" (1:1) uchrashuvidan so'ng "ajdarlar" futbolchisi Bobur Davlatov matbuot anjumanida ishtirok etdi.

"Tayyor g'alabani qo'ldan chiqardik. O'zimda ham, boshqa futbolchilarda ham gol urish uchun imkoniyatlar bo'ldi. Buni qo'ldan chiqarvordik. Imkon qadar harakat qildik, ammo oxirida hujumda ishimiz yurishmasa. Himoyadagi bitta xato esa qimmatga tushdi.

Men mashg'ulotlarda harakat qilyapman, murabbiy lozim topyatimi, meni maydonga tushirmoqda. Agar men boshlang'ich tarkibga tortmasam, unda murabbiy boshqa futbolchini qo'yadi", - dedi Bobur Davlatov.