Superkompyuter A seriyada kim g'olib chiqishini hisoblab chiqdi

Italiya chempionatining yangi mavsumi ushbu haftada start oladi. FiveThirtyEight algoritmi asosida ishlaydigan superkompyuter joriy mavsumda jamoalarning g'oliblikka imkoniyatlarini taxmin qildi.

Unga ko'ra, g'oliblik uchun eng yuqori imkoniyat "Inter"da — 27%. "Neradzurri" mavsumda 76 ochko jamg'arish kutilmoqda.

"Yuventus"ning imkoniyatlari esa 22 foizga baholangan bo'lsa (74 ochko),  "Atalanta"ning sovrinni qo'lga kiritish ehtimoli 17 foizga teng (72 ochko).

Superkompyuterning taxminicha, o'tgan mavsumda beshinchi o'rinni egallagan "Napoli" bu safar 4-pog'onani band etsa, o'tgan mavsumda ikkinchi o'rinni zabt etgan "Milan" esa yangi mavsumdan top-4dan tashqarida qoladi.