Superkompyuter APLda kim g'olib chiqishini hisoblab chiqdi

Angliya premer-ligasida mavsum-2020/21 endi boshlandi. FiveThirtyEight algoritmi asosida ishlaydigan superkompyuter joriy mavsumda jamoalarning g'oliblikka imkoniyatlarini taxmin qildi.

Unga ko'ra, g'oliblik uchun eng yuqori imkoniyat "Manchester Siti"da — 33%. Pep Gvardiola jamoasi mavsumda 79 ochko jamg'arish kutilmoqda.

"Liverpul"ning imkoniyatlari esa 23 foizga baholangan bo'lsa (76 ochko),  "Chelsi"ning sovrinni qo'lga kiritish ehtimoli 19 foizga teng (73 ochko).

Superkompyuterning taxminicha, o'tgan mavsumda ikkinchi o'rinni egallagan "Manchester Yunayted" bu safar 4-pog'onada qoladi.

"Tottenxem" va "Arsenal" klublari 5 va 6-o'rinlarda qolsa, "Lester" mavsumni 7-pog'onada yakunlashi kutilmoqda.