«Lids» London klubi futbolchisi uchun da'vogarlik qiladi

«Lids» klubi yarimhimoyadagi kamchiliklarni yopishda «shporlar» futbolchisini yordamga taklif qilmoqchi. Xabarlarga ko'ra, klub «Tottenxem» futbolchisi Harri Vinksga jiddiy qiziqish bilan qaramoqda.

Klub mavsumning ilk uchrashuvida «MYu»dan yirik hisobda mag'lub bo'ldi. Bunda esa jamoaning markaziy qismini aybi ko'p. Marselo Belsaning eng ishonchli futbolchilaridan biri Kelvin Filips maydonga tushmagani jamoani qiynadi. Klub uning o'rnini yopish uchun eng yaxshi variantlarni ko'rib chiqmoqda.

O'tgan mavsumda «Lids» Filips yo'qligida 27 ochko to'plash mumkin bo'lgan o'yinlarda 6 ochko olgan, xolos. Shuningdek, futbolchi roliga «Xadersfild» futbolchisi O'Breyn ham nomzod qilib ko'rsatilgan.

Manba: teamtalk.com