«Arsenal» sardori bilan shartnomani uzaytirdi

«Arsenal» o'z yarimhimoyachisi Granit Jaka bilan yangi shartnoma imzolaydi, deb xabar beradi Football London. Xabar qilinishicha, yangi shartnoma 2025 yilning o'rtalariga qadar amal qiladi.

Avvalroq, Jaka «Roma»ga o'tishga yaqin turgani haqida xabar berilgandi, ammo klublar o'zaro kelisha olishmadi.

Shu munosabat bilan London klubi rahbariyati shveytsariyalikni jamoada saqlab qolishga va unga yangi shartnoma taklif qilishga qaror qildi.

Eslatib o'tamiz, Jaka «Arsenal»ga 2016 yilda Myunxengladbaxning «Borussiya» klubidan 45 million evro evaziga ko'chib o'tgan edi.

Uning «kanonirlar» bilan amaldagi shartnomasi 2023 yilgacha mo'ljallangan. Premer-liganing birinchi tur uchrashuvida u maydonga klub sardori sifatida tushdi.