«Yuventus» mafiyaga tenglashtirildi

Italiyaning "Torino" klubi ishqibozlari A seriyaning 16-turida o'tkaziladigan Turin derbisi oldidan "Yuventus"ni mafiyaga tenglashtiruvchi bannerni namoyish qilishdi.

"La Gazzetta dello Sport" bergan xabarga ko'ra, 14 dekabrdan 15 dekabrga o'tar kechasi Turindagi Korso Grosetto estakadasida “Yuventus" – futbol klani” yozuvi aks etgan banner osib qo'yildi.

Manbada keltirilishicha, ushbu joy tasodifan tanlanmagan. U "Yuventus"ning uy stadioni hisoblangan “Alyants stedium”ga juda yaqin joylashgan. Derbi uchun qo'riqlash xizmatining 500 nafar xodimi jalb etilgan.