Di Mariya: "Men Ronaldu, Mbappe, Neymar bilan o'ynaganman, lekin ularning hech biri Messiga o'xshamaydi"

"PSJ"ning argentinalik vingeri Anxel di Mariya jamoaning yangi hujumchisi Lionel Messi haqida gapirdi. 34 yoshli hujumchi mavsumni uzaytirish imkoniyati bilan ikki yillik shartnoma bilan shu hafta Parij klubiga ko'chib o'tdi.

"Faoliyatim davomida ko'plab yulduz futbolchilar bilan o'ynaganman. Men Ronaldu, Mbappe, Neymar bilan bir jamoada to'p tepganman. Ishonch bilan ayta olamanki, ularning hech biri Messiga o'xshamaydi", - deya xabar beradi insayder Tankredi Palmeri o'zining tvitteridagi sahifasida.

Avvalroq, Messi avgust oyi oxirida yangi jamoa safida debyut qilishi mumkinligi ma'lum bo'lgan edi. Argentinalik to'purar parijliklar safida 30 -raqamda o'ynaydi.