Dibala qancha maosh olishni xohlayotgani ma'lum

"Yuventus" hujumchisi Paulo Dibala Turin klubida yangi shartnoma bo'yicha yiliga 10 million evro olishni xohlamoqda. Bu haqida jurnalist Nikolo Skira xabar bermoqda.

Manbaga ko'ra, futbolchining agenti 14 avgust kuni argentinalik futbolchiga kerakli summani to'lashga jamoa rahbariyatini ishontirishni rejalashtirgan. "Yuventus" Dibalaning maoshini oshirishga tayyor.

27 yoshli hujumchi Turinning "Yuventus" klubida 2015 yilning yozidan buyon o'ynamoqda.
Argentinalik futbolchining amaldagi shartnomasi 2022 yilgacha mo'ljallangan.

2020/21 yilgi mavsumda Dibala "Yuventus" tarkibida 26 ta o'yinda maydonga tushib, 5 ta gol va 3 ta golli uzatmani amalga oshirdi.