Marokash Gran-Prisi. Boltaboev bronza uchun kurashadi

Marokash Gran-Prisining -81 kg vazn toifasidagi bahslarida yurtimiz sharafini himoya qilayotgan vakilimiz Sharofiddin Boltaboev to'rtta uchrashuvda g'alaba qozonib, yarim final yo'llanmasini qo'lga kiritgan edi.

Boltaboev marokashlik Ashraf Mouti, gabonlik Terens Kouamba, kanadalik Etenn Braynd, polshalik Damyan Shvarnovichkini mag'lubiyatga uchratdi. Yarim final uchrashuvida turkiyalik Vedat Albayrakka qarshi tatamiga chiqdi va imkoniyatni boy berib qo'ydi.

Endi Sharofiddin birozdan so'ng bronza medali uchun gretsiyalik Aleksios Ntanatsidisga qarshi tatamiga chiqadi.