Davron Fayziev: Qo'lga kiritiladigan har bir ochko muhim

Coca  Cola  Superliga 1-tur uchrashuvlari doirasida “Dinamo” – “Nasaf” uchrashuvidan so'ng mezbonlar ustozi Davron Fayziev quyidagicha fikr bildirib o'tdi: 

- Barchani yangi mavsum starti bilan tabriklayman. Ikki yon qo'shni viloyat jamoalari o'rtasidagi o'yin chin ma'noda derbilarga xos tarzda o'tdi. Tan olish lozim, “Nasaf” ayni paytda o'yin davomida xavfli vaziyatlar yaratish bo'yicha “Paxtakor” bilan tenglashib turibdi.

Shu sababdan o'yin yakkakurashlarga boy tarzda kechdi. Asosiysi muhim 1 ochko qo'lga kiritildi. Bunda 12-o'yinchimizga aylanib, bizni qo'llab-quvvatlab turgan muxlislarimizni ham xissasi katta. Biz mavsum davomida ularni xursand qilib borishga intilamiz, - dedi mutaxassis.