Valeriy Karpin: «Shomurodovning «Roma»ga o'tgani – men uchun har qanday sovrindan ustun»

Rossiya terma jamoasi bosh murabbiyi Valeriy Karpin «Rostov»dagi faoliyati davomida moliyaviy muammolar tufayli ba'zi futbolchilarni sotishga majbur bo'lgani haqida gapirdi.

«Bu birgalikdagi qaror edi. «Rostov»dagi vaziyat qanday ekanini bilardim. Klub o'yichilarni sotish orqali bankrot holatidan chiqib ketdi. Futbolchilar transferidan pul ishlash — har qanday sovrindan qimmat turadi.

Shomurodovning «Roma»ga o'tgani esa men uchun har qanday sovrindan qimmatliroq. Shomurodov qo'ng'iroq qiladi va minnatdorchilik bildiradi. «Roma»ga o'tganidan keyin esa u qo'ng'iroq qilmadi, shunchaki yozdi: «Menga bergan yordamingiz uchun katta rahmat. Mehnatlaringiz foyda bermoqda. Men endi tushunib etdim. Rahmat sizga».

Bu men uchun eng muhimi, bu har qanday narsadan ustun. Futbolchilar safimizda o'tkazgan vaqt uchun murabbiylar shtabidan minnatdor», – dedi Karpin Nobel Arustamyanga bergan intervyusida.