Di Mariya: «Menimcha, Mbappe PSJda qoladi, u hech qaerda bundan kuchliroq jamoani topa olmaydi»

"PSJ" yarim himoyachisi Anxel di Mariya jamoa hujumchisi Kilian Mbappe bilan bog'liq vaziyat haqida o'z fikrlari bilan o'rtoqlashdi.

Avvalroq, OAV frantsiyalik futbolchining jamoadan ketmoqchi ekanligi haqida xabar tarqatgandi, u argentinalik hujumchi Lionel Messi PSJga o'tganidan keyin shunday qarorga kelgan.

«Menimcha, Mbappe qoladi. Albatta, u barcha katta klublar o'z tarkibiga taklif qilmoqchi bo'lgan futbolchi. Ammo hozir u kuchli jamoadan ketishni xohlamasa kerak. Chunki bizdan kuchliroq jamoa hech qaerda yo'q», – deya Di Mariyaning so'zlarini keltiradi ESPN.