«Lids» Marselo Belsa bilan shartnomani uzaytirishini e'lon qildi

«Lids Yunayted» futbol klubi va bosh murabbiy Marselo Belsa 2021/2022 yilgi mavsum oxirigacha shartnoma imzoladi. Bu haqda jamoa matbuot xizmati rasmiy «Tvitter»da ma'lum qildi.

«Qaror... endi imzolandi!», – deyiladi ijtimoiy tarmoqda joylashtirilgan xabarda.

Belsa 2018 yildan buyon «Lids»ni boshqarib kelmoqda. Bu vaqt ichida jamoa 52,85% uchrashuvlarda g'alaba qozondi. O'tgan mavsumda klub 59 ochko to'pladi va Angliya Premer ligasida 9-o'rinni egalladi.