Lukaku: "Chelsi"ga qaytganimdan baxtliman"

Biroz avval, "Inter" sobiq futbolchisi Romelu Lukaku "Chelsi" bilan 5 yillik shartnoma imzoladi. Futbolchi bitimni imzolagach, klub matbuot xizmatiga dastlabki intervyusini berdi.

"Men bu ajoyib klubga qaytganimdan xursandman va juda baxtliman. Uzoq safardan so'ng, men futboldagi birinchi qadamlarimni qo'ygan klubga keldim. Ammo, bu erga katta tajriba va etuk futbolchilardan biri sifatida keldim”, deydi Romelu Lukaku.

Eslatib o'tamiz, belgiyalik futbolchi "Inter"dan, londonliklar safiga 115 million evro evaziga o'tdi. Lukaku "Chelsi"da yiliga 12 million evro maosh oladi.