Rasman! Lukaku etti yildan so'ng, yana "Chelsi"ga qaytdi

28 yoshli hujumchining Romelu Lukaku Londonning "Chelsi" klubi bilan shartnoma imzoladi. Belgiyalikning shartnomasi 2026 yilgacha amal qiladi.

Ma'lum bo'lishicha, transfer summasi 115 million evroni tashkil qiladi va futbolchining o'zi yiliga 12 million evro va bonuslarga ega bo'ladi.

Lukaku "Inter"da ikki mavsumni o'tkazdi, A Seriyaning 72 o'yinida 47 gol urdi. O'tgan mavsum u klub bilan Italiya chempionligini qo'lga kiritdi.

Forvard bundan oldin "Chelsi"da o'ynagan. U 2011 yildan 2014 yilgacha "aristokratlar" futbolchisi bo'lgan.